康妮記事本

因為太耐冇運動啦, 星期四晚打完波兼蒲完既第二日成個人散晒咁, 星期五放工即時返屋企…

星期六本來諗住去睇番場 “愛在遙遠的附近” 或者 “黑色名單”, 但係見到個太陽咁好都係決定周圍行下, 天氣好好呢有, 太陽又有一陣陣既涼風… 買左 d 夏天戴既 accessories 同去游水用品… yeah~~~ 諗起可以去布吉同陽光玩遊戲真係好興奮, 酒店同機票已經 confirm 晒 booking, 酒店方便因為我地會 stay 6 晚, 所以佢仲會 free 其中一晚比我地, 仲送一餐晚餐添…

尋晚去左花膠大王食晚飯, 因為姐夫今日會出發去 Seoul 兩個月, 順便慶祝埋母親節同父親節

呢兩日係公司好忙, 因為有新同事到職, 而佢係負責 admin 同 finance, 所以我就多左野要做喇

尋日忙緊既時候, 收到一個好開心既電話, 就係機位終於 confirm 到 lu… 可能我地行程有變, 本來諗住去4日, 依家會去 7日… 因為其中一個女仔係台灣人, 而我地今次去有一件重要既事做, 所以相量後決定改為去 7日, 至於係咩事咁重要… 去完返黎先講啦

好開心呢, 仲有唔夠一個月可以去旅行, 上年因為轉工關係成年冇去喇… 本來諗住下個月中同屋企人一齊去埋韓國添, 因為姐夫會係果邊醫院做兩個月, 家姐諗住比個 “十派士” 佢, 成家過去同佢慶祝生日, 不過最後我都係決定唔去, 請兩個星期假去旅行既話, 我應該要三四個月個心先返番黎香港…

又開始同朋友 plan 下半年去邊樹玩 lu~~

呢幾日開始戴番 con, 都冇咩問題lu… 都係轉戴 one day, 放心d

呢兩日返工好忙, 唔係忙工作上既野, 係忙於安排旅行… 揀好resort, 諗住同agent 問機票, 點知尋日朝早問agent 時, 我地想去果日想搭既機已經 full 了, 只可以 waitlist…  諗住再問多幾間 agent, 點知到下晝 waitlist 都冇… 下個月尾的機位個多月前已full, 太誇張了… 今日再找另一位做travel agent 的朋友安排waitlist, 如果過幾天還沒位的話可能轉其他航機, 行程可能亦要縮短… 希望有位啦

我負責安排行程同埋食, 所以今日返工忙於搵當地餐廳、spa、local tour的資料… 返工真係唔駛做咁… 呵呵~~ 因為老闆唔係公司嘛, 下星期會有新同事到職, 又近月尾, 工作上會較忙, 所以呢幾日做定功課先

唔知咩事, 尋晚訓得唔好, 訓到三四點醒左… 好耐都訓唔番, 今朝起身頭痛呢… 我好少會咁架喎…咩事呢?

如常的返工, 今天比較忙, 不常在座位… 到回到位上看著電腦時, 左眼突然很痛, 還流眼水… 放工回家立即除下隱形眼鏡, 眼水不停的流, 痛得不想張開眼… 那種感覺很害怕, 像失去一隻眼睛, 跑了去看醫生, 她說眼膜炎, 開了眼藥水及藥膏給我, 還說如明早還痛要去急症室…  回家滴了藥水, 真的很痛, 不過還好滴了藥水後起碼可以張開眼睛… 希望明天好些啦, 要做一星期四眼妹了… 醫生說可能因隱形眼鏡不清潔引起… 還是轉用一日即棄吧

今天姐夫起程到日本, 開頭我以為他是去上堂或實習之類, 但原來他是去演講呢… 勁！ 因可能經常見到, 他給我的形象是一個大細路, 家裡滿是我家姐口中的 “怪獸” 模型, 不能想像他站在演講台演講… 月尾他還會到韓國兩個月作演講及交流… 是我不太留意家人嗎？